AHA MA NONANG NI INA INA MOLO DUNG PAJUMPANG? | HUMOR BATAK
NAI UNGGAL : Bah..ai borngin ma ho eda? Ai nasian dia do ho??
NAI BOKKOR: Eheee dapoang..napatoho aek do au sian hauma an..dapoang
,.manirabuni au nasogot, hape dapoang songgot ma rohakki, nga di tolbahi
gadu gadukki, apala tuhap ma sude sirabuni tu uma ni nai Ukkor i…ueeee
tahe sampulu onom taon ma iba sabalok, holan bada ma ni paadop adop,
sosuda ari anggo so masisalikan..nga sampulu onom taon hami
marandis,..anggo Nai Ukkor on tahe…tuhe pe di paussat, gadu gadu ipe,
bereng eda ma,ng di eak I tolu suan.
NAI UNGGAL: ai ahama dohononmu tu au eda…alai hata so pisik ma on
ate? Ai songoni pe nai Ukkor i, so aha dapotna..so mamora,apala sude do
bilak…nga golap utangna..ido pe sahat eme di jabu, nga ro parsuhat,
udurma angka partunggu..ai nantoari hubereng do ibana haruar sian jabu
ni Oppu si Longgot, ba namarsali ma i…toho ma nian sibola huta nai ukkor
on ate?.
NAI BOKKOR : Toema i…sai nihataan jolma, hape na diibaon pe so boi ukkupan…(Huhut marhosa ganjang)
NAI UNGGAL: Bah…boasa dohononmu songoni? Ho nama eda na toho
namangoluon..nga simpan angka gellengmu, halak ito Happung, godang do
horbom, haumam godang do di bola pinang ho..luhut nama portibi on di
ho.!!
NAI BOKKOR: Aha na so dohononmu edakku…ho do na toho namangolu on,
tantara gellengmu, parpajak, menejer, parmainmu si suntik hae hae, helam
mantari.
NAI UNGGAL: Dageee..edakku!! na apala di hatai ho mai…sabbor do
nipikku namarparmain on,..masibobakan do hami nabulan nasalpu dohot
parmainta Nai Maralo…
NAI BOKKOR: Bah ba.ba.ba…alani aha i?
NAI UNGGAL: Soran do tuit ni Nai Maralo on dapoang…, bais, teal
makkuling…na hu pissang do “Unang di allang balian ni hurumna” asa unang
ma sai di tuhori jahir, pora pora molo tu onan…hudok tahe asa gulamo I
manian dipaotik otik haru dolok pe masursur do..…hape pittor si
bolison,..ba hujanggola ma attong, masibobahan ma hami….dung per o amani
maralo..lalu tangan ma ibana, jadi nuaeng nga dipaulak tu inongna..asa
diajar jo boruna i..
NAI BOKKOR: Amang tahe ate…jolma sisonari on…na di hata I ho mai
eda…diingot ho do tahe na ro manggokkon ibotonta na minggu nasalpu i?
NAI UNGGAL : Amani Jakkit do? Na pangoli anak i?
NAI BOKKOR: Oloooo….ia i balga ni pesta nai…baltuk attong horung
horung ni eda Na Jakkit hera rante ni biang, golang na pe hera giring
giring, kurabuna nasa dasardasar, mar suji Palembang ,…songoni parmain
nai, marsipatu jikkal na rara,marselak nabalau,…hape dapoang sude do
hape imitasi.
NAI UNGGAL: Ah ai ho nian eda…sian dia dibotoho??
NAI BOKKOR: Eheee,..napajumpang do au dohot Jakkit di onan, sai
tumatangis…dijolo ni “Toko Mas Ikkon Asli”…ai naiutang do hape sude lao
tu ulaon i, pinahan pe so digarar sahat tu saonari, tenda, parmusik sude
dope diutang…naeng ditulak ma mas na on, ima na dileon anak nai, hape
dang lakku,imitasi inna.
NAI UNGGAL: Amang tahe….ai hubege denggan do karejoni parmain nai?
..ai par-IKIP,ninna do molo dang sala au,.bah pinomat dosen ninna roha
ma.
NAI BOKKOR: Ehhhh nasarupa ma ho dohot Nan Jakkit, ai do tong didok
rohana, hape asa diboto ho eda..manjaga kantin do hape di IKIP borua
on….ala godang ma utang ni si Jakkit,dang targararna, ba di oli ma…alai
nga leleng haroa halakon naung mardongan….ho majo naeng eda? Na minggu
nasalpui dope naung marbogas…ehhhh nabodari nga ro taleponna…nga sorang
si butet inna…
NAI UNGGAL: ???!!!#$#%%$???....agoiiii amanggggg…. nga tung dilompa hape pakkilalaan ni Nan Jakkit ate?
NAI BOKKOR: Eheee…nga sai be i…mulak majo au eda..
NAI UNGGAL: Haru tudia ho eda??? Amani Bokkor pe so mulak dope ra sian Lapo..
NAI BOKKOR: Anggo i eda, parekkelon ni laba laba I nama I,molo mulak
jom nasa on,.anggo so jolo golap diida so mulak I, ai hea do songoni,
rappak tuahon dohot nago si Ultop, ba mulak ma ninna halaki masi pataru
taruan..alai ala nga tuahon, mangalakka dua lakka, mundur lima lakka,
mangalakka tolu lakka mundur onom lakkka…manogot nai di bereng jolma ma
halak I, nga di huta ni halak, renges di bara ni pinahan ni jolma……ah
mulak majo au eda, naeng manontton au,ai hupaihut ihut do barita ni si
Aril Piterpan on,..unang ma nian di hurunghon ibana, dipalua ma nian..
NAI UNGGAL: Ohhh ido..toema.ai au pe manonton nama on, ai hupaihut ihut do serita ni “Putri Yang Tertukar” i.
Belum ada tanggapan untuk " AHA MA NONANG NI INA INA MOLO DUNG PAJUMPANG?"
Post a Comment